عروسة الجنة

اسلامى للنساء فقط


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

بيعملوا فينا كده!!!!!!!!!!!!1اومال الصهاينة هيعملوا فينا ايه ؟؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

مصرية اوى


عضو جديد
ده اول موضوع ليه هنا يارب يعجبكم



امال الصهاينة هتعمل فينا ايه
بجد مش قادرة اصدق ازاى اى حاكم عربى او رئيس بلد عربى يقتل فى ابناء شعبة بالطريقة دى سواء بن على او مبارك او القذافى الرئيس الاول
والتانى كانوا بيقتلو الشعب اما بامرضباط الشرطة لاخراج المساجين وإعطائهم اسلحة لقتل الشعب ودا طبعا حصل فى مصر وجاء فى برامج تليفزيونية انا شفت واحد بيحكى ان اخوه مات فى المستشفى علشان ضابط اطلق عليه النار فى المظاهرات وللاسف اخو الشاب اللى تم اطلاق النار عليه توفى وكان بجانب هذا الشاب واحد مصاب بطلق نارى فى فمه وكانت حالته مستقرة وكان بيكتب ويقول للاطباء انه كان مسجون ورفض يسمع اوامر الضابط فى القسم انه يهرب من السجن ولما رفض اطلق عليه الضابط النار وطبعا افتكره هيموت دا كان على برنامج عمرو الليثى وطبعا مبارك لم يكتفى بالسجناء لكن كان فيه البلطجية وناس كتيير مسكوهم المتظاهرين وطلعو امن مركزى وضبط شرطة ودا بردو جاء فى برنامج وشفنا البطاقات وكان مكتوب عليها اما امن مركزى او ضابط شرطة دا غير القناصة اللى كانو فى ميدان التحرير لكن الحمد لله ربنا نصرنا
نيجى للشخصية التالته اللى هى القذافى اللى عمالة تضرب فى الشعب ولما سيف الاسلام القذافى اتكلم قالها صريحة هنحارب لاخر قطرة دم وان باباه القذافى هو من يدير المعركة من طرابلس .معركة؟ ضد مين؟ ضد شعبه ؟حتى الان الحصيلة 500 قتيل والله اعلم كام جريح ودا فى اول اسبوع وعدد سكان ليبيا قليل جدا جدا بالنسبة لمصر
تخيلو انتو احنا العرب وحكامنا بيقتلو فينا لمجرد اننا عايزين تغيير طيب اسرائيل او امريكا او او او اى احتلال هيعمل فينا ايييه؟ ازاى هتتعامل اسرائيل مع فلسطين الان ؟ كنا بندين اسرائيل لما تقتل فى الانتفاضة 100 فلسطينى .دلوقتى لو قامت انتفاضة اكيد هتتعامل اسرائيل بوحشية أفظع مع فلسطين دا شىء بديهى لانها شاهدت الرؤساء العرب بيعملو ايه فى شعبهم.
مش عارفه ايه حبهم المفرط للسلطة ؟ وعشقهم لجمع المال ؟ شوفنا كلنا الكنوز اللى كانت فى قصر بن على بجد مش صدقت رزمات فلوس كتيرة جدا والمحقق يقول الرزمة الواحدة 100 مليون ؟ غير المجوهرات غير طبعا الفلوس اللى هربها بن على فى البنوك لانه لازم يضمن معيشة كريمة وهو هربان .
بجد ازاى كان بينام وهو معاه الفلوس دى كلها وواحد او واحد من شعبه مش معاه فلوس ونايم جعان ازاى . والله العظيم انا مرة شوفت ولد نايم فى الشارع انا وماماتى واختى والله العظيم كلنا فضلنا نعيط عشانه وماماتى كانت عاوزه تاخده معاها البيت ومش روحنا غير لما اطمنا انه فيه راجل طيب هيشغله معاه واخده فعلا وبعدها بردو كنا متأثرين وكانت ليلة درامية مع اننا مش لنا ذنب فى الموضوع لاننا مش اولياء امره طبعا غيره كتيييييييييييييير جدا والرؤساء ولا فى بالهم حد وكل اللى يهمهم المقابلات الرسمية والكنوز اللى هيلحقو يلموها والكرسى اللى مش عاوزين يمشو من عليه . لكن مش عندهم قلب ؟ مش بيفكرو فى الشعب ؟ ليه مش بينزلو يتفقدو احوال الشعب بدون حراسة متخفيين مثلا زى ما كان عمر بن الخطاب وعمرو بن العاص بيعملو .كانو بيدخلو الخلافة اغنياء ويخرجو فقراء
ربنا يولى علينا امثالهم يا رب
كان فيه محافظ فى اسكندرية اسمه محجوب تقريبا هو كان من زمان انا سمعت انه كان بينزل بنفسه مستشفيات فى اسكندرية وكان بيتنكر على انه مريض علشان يشوف الحقيقة وكنت اسمع ان مستشفى الشاطبى كاملا اتحول للتحقيق بسبب المهازل اللى شافها وكانت اسكندرية عروسة جميلة ايامه والاسكندرانية كانو بيحبوه
يعنى ممكن مسؤل لو يهمه الامر انه ينزل ويشوف احوال الناس بنفسه والمحافظ دا لما نزل متنكر مفيش حد أذاه ولا اتعرض لشىء . فما بالك بالريس المفروض يعمل اكتر من كده .لكن الرؤساء بيكسلو ومش هاممهم رعيتهم .
لو يعرف رؤساء وملوك الدنيا ربنا هيحاسبهم ازاى يوم القيمة مش كانو يوافقو اساسا انهم يبقو رؤساء كانو يتمنو يرجعو الدنيا تانى ويكونو افراد عاديين فى يوم القيامة ربنا هينادى على ملوك الدنيا ليحاسبو حسابهم . ربنا يرحمنا يا رب ويحسن ختامنا جميعا ويرحم الشهداء وينصر مصر والشعب الليبى.
كل واحدة تدخل تدعى لمصر ولشعب ليبيا ان ربنا ينصرنا
منقووووووووووووووووووووووووول

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى